ថ្ងៃសុក្រ ទី១៧ ខែមករា ឆ្នាំ២០៥០
ចាងហ្វាងការផ្សាយ លោក អ៊ុច សុខុម | ការិយាល័យព័ត៌មាន : 012 444 047 / 096 4444 347 / 097 63 555 33 / 092 700 688
ពេលមានរឿងពលរដ្ឋទៅពឹងប៉ូលិសតែបើប៉ូលិសសំគិះអញ្ចឹងទៅពឹងនណា? អធិការស្រុកបាភ្នំ ដោះលែងជនសង្ស័យរំលោភសេពសន្ថវៈក្មេងស្រីអាយុ១១ឆ្នាំ បានសម្រេចដល់៥ដង
Mon,09 December 2019 (Time 04:10 PM)
ដោយ ៖ មហាហង្ស (ចំនួនអ្នកអាន: 124នាក់)


ខេត្តព្រៃវែង៖ លោកអធិការនគរបាលស្រុកបាភ្នំ ខេត្តព្រៃវែង បានបញ្ជាអោយដោះលែងជនសង្ស័យម្នាក់ ពាក់ព័ន្ធករណីរំលោភសេពសន្ថវៈក្មេងស្រីអាយុ១១ឆ្នាំ រហូតបានសម្រេចចំនួន៥ដង  ក្រោយហៅមកសាកសួររយៈពេលត្រឹមតែ៤ម៉ោង ប៉ុណ្ណោះ។ 

ក្នុងអំពើអយុត្តិធម៍នេះ ត្រូវបានខាងគ្រួសារនៃជនរងគ្រោះ ចោទប្រកាន់ថា ការដោះលែងយ៉ាងប្រញាប់ប្រញាល់បែបនេះ គឺ ពិតជាមានការប្រព្រឹត្តអំពើពុករលួយជាមិនាន ហេតុនេះពួកគាត់ស្នើអោយស្ថាប័នពាក់ព័ន្ធ បើកការស៊ីបអង្កេតជាបន្ទាន់។

ក្មេងស្រីរងគ្រោះអាយុ១១ឆ្នាំ រៀបរាប់ ថា កាលពីថ្ងៃទី២៩ ខែវិច្ឆិកា ឆ្នាំ២០១៩ លោក ពិន ប៊ន ជាជនសង្ស័យ បានហៅទៅជួយទូលស្រូវពូជ លោកយាយនៅឯស្រែក្រោយផ្ទះ ។ ស្រាប់តែទៅដល់អត់ឃើញលោកយាយក៏បានសួរ ថា ឯណាយាយ? ស្រាប់តែលោកប៊ិន ប៊នបានរត់ទៅចាប់ខ្ទប់មាត់ហើយយកទៅរំលោភតែម្តង ថែមទាំងគំរាមកំហែងមិនឲ្យប្រាប់ម៉ែឪនោះទេ បើហ៊ានប្រាប់នឹងអារ.កសម្លាប់ចោល ហើយក៏មានការរំលោភជាបន្តបន្ទាប់រហូតបាន៥ដង។

ក្មេងស្រី បន្តថា លុះមកដល់ព្រឹកថ្ងៃទី៦ ខែធ្នូ ឆ្នាំ២០១៩ រឿងនេះ បានបែកការណ៍ដល់ម្តាយឈ្មោះនួន មៀង អាយុ៤១ឆ្នាំនិងឪពុក ឈ្មោះយី តាមនអាយុ៣៥ឆ្នាំ ហើយម្ដាយឪពុកជនរងគ្រោះ បានទៅដាក់ពាក្យបណ្តឹងនៅប៉ុស្តិ៍រក្សជ័យស្រុកបាភ្នំ ខេត្តព្រៃវែង។

ក្រោយទទួលពាក្យបណ្តឹង ក៏មានការ ហៅជនសង្ស័យ ឈ្មោះ ពិន ប៊ន មកសួរនាំ រយៈពេលត្រឹម៤ម៉ោងក៏ដោះលែងអោយមានសេរីភាពឡើងវិញ ក្រោមអំណាចលោកអធិការ។

​ជុំវិញបញ្ហានេះ លោក ម៉ុម សារ៉ុម អធិការនគរបាលស្រុកបាភ្នំ ចេញមុខមកបដិសេធ យ៉ាងដូច្នេះ ថា ៖ នៅថ្ងៃទី៦ ខែធ្នូ ឆ្នាំ២០១៩ វេលាម៉ោង១៣៖២០នាទី ប៉ុស្តិ៍នគរបាលរដ្ឋបាលរក្សជ័យ បានទទួលពាក្យបណ្តឹងមួយច្បាប់ពីឈ្មោះ នួន មាង ភេទស្រីអាយុ៤១ឆ្នាំ នៅភូមិតាពេជត្បូងឃុំរក្សជ័យស្រុកបាភ្នំ ប្តឹងទៅលើឈ្មោះ ពិន ប៊ន ភេទប្រុសអាយុ៦១ឆ្នាំ រស់នៅភូមិតាពេជត្បូងឃុំរក្សជ័យស្រុកបាភ្នំ ពីបទរំលោភសេពសន្ថវ: ទៅលើកូនស្រីរបស់គាត់អាយុ១១ឆ្នាំ បានចំនួន៥ដង ថ្ងៃខែមិនចាំក្នុងឆ្នាំ២០១៩ ។

ក្រោយពេលទទួលពាក្យបណ្តឹង សមត្ថកិច្ចបានកោះហៅឈ្មោះពិន ប៊ន មកសាកសួរនៅប៉ុស្តិ៍តែគាត់បានបដិសេដថាមិនបានរំលោភលើក្មេងស្រីនោះទេ។

ដូច្នេះហើយ ដោយខាងដើមបណ្តឹងពុំមានសាក្សីដឹងលឺឬឃើញថាឈ្មោះ ពិន ប៊ន ជាអ្នករំលោកនោះទេ បានជាសមត្ថកិច្ចឆ្លងទៅជំនាញខេត្តនិងព្រះរាជអាជ្ញា គាត់បានប្រាប់ថាមិនមានសាក្សីឬភស្តុតាងត្រូវដាក់បន្ទុកនោះទេ ហើយក៏បានអោយគាត់ទៅផ្ទះវិញ តែត្រូវធ្វើកិច្ចសន្យាធានាត្រឹមត្រូវពីប្រពន្ធកូនគាត់ ។

លុះដល់ព្រឹកឡើង ថ្ងៃទី៧ ខែធ្នូ ឆ្នាំ២០១៩ សមត្ថកិច្ចបានទៅហៅឈ្មោះ ពិន ប៊ន មកសាកសួរម្តងទៀតតែគាត់បានរត់គេចខ្លួនបាត់ ហើយប្រពន្ធកូនគាត់ ប្រាប់ថាគាត់មាន ជំងឺគាំងបេះដូងទៅមើលនៅភ្នំពេញ បាត់ហើយ។

ពិតជាហួសចិត្តណាស់ ក្មេងស្រីរងគ្រោះ បញ្ចាក់ច្បាស់ពីរឿងហេតុទៅហើយ តែបែសមត្ថកិច្ចថាគ្មានភស្តុតាង សាក្សីទៅវិញ។ ច្បាស់ណាស់នេះជាចេតនាមួយ ជួយដល់ជនសង្ស័យឲ្យរួចផុតពីច្បាប់។ តាមរយៈរឿងនេះ មហាជនសម្តែងការខកចិត្តយ៉ាងខ្លាំងចំពោះសមត្ថិច្ចមូលដ្ឋានស្រុកបាភ្នំ ធ្វើការងារខ្ជីខ្ចា។ ក្រៅពីរឿងនេះ មិនដឹងថា សមត្ថកិច្ចមូលដ្ឋាននេះ ធ្វើរឿងខុសឆ្គង់យ៉ាងណាទៀតនោះទេ។ 

 

វីដែអូ

ចំនួនអ្នកទស្សនា

ថ្ងៃនេះ :
150 នាក់
ម្សិលមិញ :
209 នាក់
សប្តាហ៍នេះ :
2794 នាក់
ខែនេះ :
9207 នាក់
3 ខែនេះ :
36242 នាក់
Online :
87 នាក់
សរុប :
453482 នាក់