ថ្ងៃអង្គារ៍ ទី១០ ខែធ្នូ ឆ្នាំ២០៥០
ចាងហ្វាងការផ្សាយ លោក អ៊ុច សុខុម | ការិយាល័យព័ត៌មាន : 012 444 047 / 096 4444 347 / 097 63 555 33 / 092 700 688
ដោយសារជំងឺប៉េសជ្រូកធ្វើឲ្យទីផ្សារវៀតណាមខ្វះសាច់ជ្រូករាប់រយតោន
Tue,19 November 2019 (Time 06:55 PM)
ដោយ ៖ មហាហង្ស (ចំនួនអ្នកអាន: 46នាក់)


ហាណូយ៖ តាមការដកស្រង់ការផ្សាយចេញពីទីភ្នាក់ងារព័ត៌មានស៊ីនហួរនៅល្ងាចថ្ងៃអង្គារ ទី១៩ ខែវិច្ឆិកា ឆ្នាំ២០១៩នេះ។ ក្រសួងកសិកម្ម និងអភិវឌ្ឍន៍ជនបទនៃប្រទេសវៀតណាមបានឲ្យដឹងថា វៀតណាមប្រហែលជាត្រូវខ្វះខាត បរិមាណសាច់ជ្រូកប្រមាណ ២០០,០០០តោន នៅក្នុងត្រីមាសទី ៤ នៃឆ្នាំ២០១៩នេះ ដោយសារតែជំងឺប៉េសជ្រូកអាហ្វ្រិក (African Swine Fever ឬ AFS)។

លោកភុង ឌុចទៀន (Phung Duc Tien) អនុរដ្ឋមន្រ្តីកសិកម្មវៀតណាម នាថ្ងៃអង្គារនេះបានប្រាប់ឲ្យដឹងថា គិតត្រឹមពាក់កណ្តាលខែវិច្ឆិកានេះ ជំងឺប៉េសជ្រូកអាហ្វ្រិកបានបណ្តាលឲ្យសត្វជ្រូកនៅវៀតណាមងាប់សរុបជិត ៥.៩លានក្បាល ឬស្មើនឹងសាច់ជ្រូក ៣៣៧,០០០តោន។

យោងតាមលោក Tien តម្លៃមធ្យម នៃសាច់ជ្រូកស្រស់ក្នុងប្រទេសវៀតណាម បានកើនដល់ចន្លោះ ៦០,០០០-៦៧,០០០ដុង (២.៦-២.៩ដុល្លារអាមេរិក) ក្នុងមួយគីឡូក្រាម ហើយនៅតាមតំបន់ខ្លះទៀតតម្លៃបានលោតដល់ ៧៥,០០០-៨០,០០០ដុង (៣.៣-៣.៥ដុល្លារ) ដែលពិតជាតម្លៃកើនឡើងខ្ពស់មិនធ្លាប់មាននោះឡើយ។

គួរជម្រាបថា កំឡុងការបើកកិច្ចប្រជុំមួយកាលពីថ្ងៃចន្ទសប្តាហ៍នេះ ឧបនាយករដ្ឋមន្រ្តីវៀតណាមលោក វួង ឌិញហឺ (Vuong Dinh Hue) បានទទូចដល់បណ្តាស្ថាប័នពាក់ព័ន្ធទាំងអស់ ឲ្យធ្វើការគណនាឲ្យបានដិតដល់ អំពីការខ្វះខាតនៃការផ្គត់ផ្គង់សាច់ជ្រូកនៅក្នុងប្រទេស ហើយនិងពិចារណាលើការនាំចូលសាច់ជ្រូក បន្ថែមពីបរទេស ដើម្បីមកបំពេញតម្រូវការក្នុងស្រុក ព្រមទាំងគ្រប់គ្រងការកើនឡើងតម្លៃនៃសត្វជ្រូក និងកាត់បន្ថយអតិផរណា។​

 

វីដែអូ

ចំនួនអ្នកទស្សនា

ថ្ងៃនេះ :
143 នាក់
ម្សិលមិញ :
393 នាក់
សប្តាហ៍នេះ :
2316 នាក់
ខែនេះ :
16222 នាក់
3 ខែនេះ :
33471 នាក់
Online :
84 នាក់
សរុប :
441551 នាក់